Liberalizimi i tregut të energjisë, Ahmeti: Ndryshime ligjore, heqim barrierat dhe ulim çmimet
Enti Regullator i Energjisë do të ndërmarrë disa ndryshime në legjislacionin që rregullon procesin e liberalizimit të tregut të energjisë, duke synuar heqjen e barrierave penguese apo uljen e çmimeve për abonentët që duhet të shkëputen nga Operatori i Shpërndarjes së Energjisë Elektrike, duke siguruar vetë energjinë në tregun e lirë.
Në një prononcim për TV SCAN, kreu i ERE-es, Petrit Ahmeti ndryshimet do të synojnë një fleksibilitetet në lidhje me zhvillimet e tregut.
Sipas Ahmetit, liberalizimi i tregut të energjisë nuk është një proces i lehtë.
Liberalizimi i tregut të energjisë po ecën me hapa të ngadaltë, duke qenë se sipas të dhënave të Operatorit të Shpërndarjes së Energjisë Elektrike, janë vetëm 18 biznese të lidhur në tensionin 35 kv që kanë dalë në treg të lirë.
Në shkurt të vitit 2018, parlamenti shtoi me 2 vjet afatet për këtë proces, duke përcaktuar si afatin e ri datën 28 shkurt të vitit 2020.
Ola Mitre/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.