Licencimi i subjekteve të reja, Sejko: Paraprakisht duhet të marrin leje nga AKU
Çdo biznes i ri që kërkon të operojë në fushën e ushqimit do të duhet që paraprakisht të pajiset me një leje nga Autoriteti Kombëtar i Ushqimit.
Propozimi pritet t’i shkojë qeverisë në muajin shtator, ndërkohë që kreu i këtij institucioni, Dritan Sejko thotë për TV SCAN se drafti do të parashikojë edhe trajnimin për mënyrën e të bërit biznes, pasi në shumë raste shkeljet kryhen nga mungesa e informacionit.
“Jemi në një sfidë të vazhdueshme edhe me përafrimin e legjislacionit sipas situatave. Në fakt jemi duke punuar një draft për t’ia propozuar ministrisë, dhe për rrjedhojë edhe kryeministrisë për një draft për përmirësimin e legjislacionit. Ka të bëjë me mënyrën e inspektimit dhe me mënyrën e licencimit të subjekteve që operojnë në fushën e ushqimit. Për çdo subjekt të ri të mos mjaftoj vetëm regjistrimi dhe marrja e niptit, por të merret edhe një leje nga Autoriteti Kombëtar i Ushqimit. Kjo leje të konsistojë, përveçse në verifikimin e kushteve të operatorëve të biznesit, por edhe të një trajnimi paraprak të mënyrës të bërjes të këtij biznesi sepse e shikojnë që këtu kjo është pjesa më sensibël që ka nevojë për trajnimin në shumë subjekte. Ne kur bëjmë inspektimet e para vëmë re se shumë shkelje bizneset i bëjnë nga padia jo nga dëshira”.
Sipas Sejkos trajnimet do të bëhen nga inspektorët e Autotiteti Komëbatr të Ushqimit, ndërsa sa i takon kapaciteteve ai shton se ato janë të mjaftueshme, duke qenë se gjatë inspektimeve bëhet edhe këshillimi i bizneseve ku konstatohen probleme.
Ola Mitre/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.