Liderja e Hong Kong nuk tërhiqet: Do qëndroj në detyrë, policia do i përgjigjet çdo veprimi të jashtëligjshëm
Liderja e Hong Kongut, Carrie Lam deklaroi së fundmi se, përshkallëzimi i dhunës në protestat anti-qeveritare po kthehet në diçka shumë serioze. Prej thuajse 3 muajsh protestat kanë goditur rëndë qendrën financiare të Azisë. Lam foli për publikun për të pranë herë që prej të dielës, kur protestat anti-qeveritare u përshkallëzuan.
Protestuesit goditën forcat e ruajtjes së rendit me tulla dhe bomba molotov ndërkohë që policia u kundërpërgjigj me gaz lotsjellës dhe ujë.
“Qeveria ka zero tolerancë për dhunën, qeveria dhe policia do t`i shkojnë pas këtyre aktiviteteve të paligjshme”deklaroi numri një i Hong Kong-ut. Këto janë protestat e para në vend që prej vitit 1997, kur kolonia e deriatëhershme britanike ju dorëzua Pekinit.
Ky i fundit ndërkohë ka nënvizuar së fundmi se mund të ndërhyjë edhe me forcë për të shuar protestat në rast se situata do të përshkallëzohet edhe më tej. Sa i përket gjasave për dorëheqje të Carrie Lam, kjo e fundit i hodhi poshtë tërësisht këto hipoteza, duke deklaruar se, do të qëndrojë si lidere në një situatë të tillë.
Roel Korkuti/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.