Ligj i ri për OJF-të, 124 organizata kundër / Gjonaj: U konsultua gjerësisht, rrit transparencë e shmang rrezikun e pastrimit të parave

Kuvendi ka miratuar këtë të enjten Ligjin e ri për Organizatat Jofitimprurëse. Drafti I paraqit nga Ministrja e Drejtësisë Etilda Gjonaj, sipas së cilës Ligji I ri adreson disa problematika, siç është lehtësimi I procedurave të regjistrimit, krijimi I regjistrit elektronik të OJF-ve, si dhe rritja e transparencës së aktivitetit të tyre. Gjonaj tha se ai vjen edhe si një rekomandim nga Moneyval, në luftën kundër pastrimit të parave.

Por vetëm një ditë më parë, më shumë se 120 Organizata Jofitimprurëse kërkuan përmes një thirrjeje të përbashkët rishikimin e ligjit. Sipas tyre, ai nuk I është nënshtruar konsultimit të nevojshëm me OJF-të në vend, nuk qartëson kostot shtesë që do sjellë regjistri elektronik, ai she cenon rëndë të drejtën e organizimit vullnetar, parimin e qartësisë ligjore dhe parimin e proporcionalitetit në vendosjen e masave shtrënguese. Projektligji, sipas organizatave që kanë nënshkruar thirrjen, krijon mbivendosje të masave shtrënguese dhe raportim të dyfishtë me kuadrin ligjor ekzistues.

Por nuk ka qenë e këtij mendimi Etilda Gjonaj. Ajo tha se Organizatat kanë pasur gjithë kohën e nevojshme për konsultimin e ligjit, dhe se në të janë përmbledhur rreth 70% e rekomandimeve të bëra nga subjektet e përfshira në proces.

Lorenc Rabeta – SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.