Ligj i ri “Për Shtetësinë” – Voda: Zgjidh shumë problematika, veçanërisht për fëmijët e lindur në Greqi
Komisioni Parlamentar i Ligjeve ka miratuar Projektligjin për shtetësinë, i cili sjell një seri risish nga ligji actual që është në fuqi që prej vitit 1998. Risitë u prezantuan në Komision nga Zëvendësministrja e Brendëshme Rovena Voda, sipas së cilës se ligji actual nuk ofron zgjidhje për rastet e fitimit të shtetësisë në bazë të origjinës, apo të një problematike të vjetër tashme që ka sjellë pamundësinë e regjistrimit në Regjistrin Kombëtar të Gjendjes Civile, të vitit 2010, të personave, të cilët kanë fituar shtetësinë shqiptare me Dekret Presidencial.
Por sipas Vodës, problematika kryesore që zgjidh ligji i ri është hapja e mundësisë Regjistrimin në në Gjendjen Civile të personave mbi 18 vjeç, të cilët kanë lindur jashtë territorit të Republikës së Shqipërisë nga prindër shqiptarë apo qoftë edhe njëri prind shqiptar, por që para kësaj moshe nuk janë regjistruar. Me këtë problem përballen më së shumti familjet shqiptare që jetojnë në Greqi.
Projektligji do të shqyrtohet këtë javë nga Komisionet Parlamentare për t’u votuar në Kuvend në seancën e javës së ardhshme.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.