Ligji për zbardhjen e aksionerëve anonimë – Binaj: Të papranueshme kompanitë me pronësi të paqartë, si për shtetin dhe për shoqatat
I ftuar në Vetting.al, kontabilisti i njohur Agim Binaj, komenton shtyrjen e afatit të deklarimit të pronarëve të vërtetë të bizneseve që operojnë në Shqipëri. Sipas Binajt, është e papranueshme që kompanitë të kenë të paqarta emrat e pronarëve që qëndrojnë pas tyre ashtu si dhe burimet e tyre financiare. Madje nuk duhet të jetë vetëm shteti shqiptar që duhet domosdoshmërisht të zbardhë emrat e tyre, por edhe shoqatat e biznesit nuk mund të kenë në përbërje subjekte anonime e më të dhëna të paqarta.
Afati i deklarimit të pronarëve përfitues në QKB u shty nga Ministria e Financave deri më 30 qershor, si për shkak të problemeve teknike të regjistrit, por edhe pasi shumë biznese të huaja nuk arrinin të mblidhnin në kohë të dhënat.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.