Ligjvënësit europianë do të propozojnë masa të ashpra ndaj kompanive teknologjike për reklamat politike
Një zyrtar i lartë i BE-së është përfshirë në debatin për reklamat politike në platformat e teknologjisë, duke i thënë CNBC se ligjvënësit evropianë do të përcaktojnë rregullat, ndërsa kompanitë e përfshira si Facebook dhe Twitter duhet t’u binden atyre.
Në një intervistë nga konferenca teknologjike e Web Summit në Lisbonë, Portugali, Vera Jourova, komisionare e BE-së për drejtësi, konsumatorët dhe barazinë gjinore, tha se ligjvënësit në Bruksel do të prezantojnë rregulla për më shumë transparencë në fushatat politike “në mënyrë që njerëzit ta dinë se kush qëndron pas fushatës. kush paguan (për) atë dhe cilat janë interesat “.
Legjislacioni i mëtejshëm rreth reklamave politike do të forcojë përpjekjet e BE-së për të marrë një rol udhëheqës që do të vërë në kornizë kompanitë më të mëdha të teknologjisë në botë për çështje që fillojnë nga dezinformimi deri tek konkurrenca dhe intimiteti i të dhënave.
“Për ne detyra e ditës është të dalim me rregulla të cilat do të mbrojnë vendimmarrjen autonome të votuesve,” tha ajo. “Ne nuk duam që zgjedhjet të jenë konkurrencë e metodave të pista si Cambridge Analytica, parave të pista dhe qëllimeve të paqarta.”
Vitin e kaluar, Facebook zbuloi se firma e këshillimit politik ‘Cambridge Analytica’ bëri një hyrje ilegale në të dhënat e deri në 87 milion përdoruesve duke i shfrytëzuar ato, pjesërisht, për të synuar reklama për Donald Trump në zgjedhjet presidenciale 2016.
Facebook dhe Twitter kanë marrë pozicione të kundërta për rolet e tyre rreth reklamave politike në platformat e tyre. Javën e kaluar, Drejtori i Përgjithshëm i Twitter, Jack Dorsey njoftoi se kompania do të ndalojë të gjitha reklamat politike, ndërsa Drejtori i Përgjithshëm i Facebook, Mark Zuckerberg mbrojti vendimin e tij për të mbajtur reklama, madje edhe ato false, si platformë në bazë të fjalës së lirë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.