Linja ajrore lowcost që operon edhe në Shqipëri, shkurton 1 mijë vende pune dhe ul pagat për stafin e mbetur!

Linja ajrore hungareze me buxhet të ulët, Wizz Air tha të martën se po shkurton 1.000 vende pune dhe po zvogëlon pagat për stafin e mbetur ndërsa përpiqet të përballojë krizën e krijuar nga Koronavirusi. “Përkundër të gjitha përpjekjeve tona, kompania ka marrë vendimin e vështirë për të vazhduar me 1000 shkurtime nga puna, që përfaqësojnë 19% të fuqisë punëtore,” tha zëdhënësi me bazë në Budapest në një deklaratë.

“Masat të tjera plotësuese do të merren në të ardhmen e afërt,” shtoi ai pasi industria e aviacionit vuan nga rënia ekonomike e shkaktuar nga COVID-19. Pagat për kryetarin, anëtarët e bordit dhe menaxherët e vjetër do të ulen me 22% ndërsa pilotët, ekuipazhi i kabinës dhe personeli administrativ do të marrin një ulje prej 14%, tha Wizz Air.

Linja ajrore hungareze aktualisht po funksionon me vetëm 3% të aftësisë së fluturimit dhe pret të regjistrojë humbje të jashtëzakonshme prej 70-80 milion euro në tremujorin e saj të katërt, e cila përfundoi në mars.

Para goditjes së krizës, Wizz Air po fluturonte në 151 destinacione në 44 vende në Europën Qendrore dhe Lindore sikurse edhe në Shqipëri dhe kishte regjistruar një rritje të fortë vitet e fundit. E gjithë industria e aviacionit ka pësuar një goditje të fortë për shkak të pandemisë.

Të ardhurat nga pasagjerët e linjës ajrore janë vendosur të zhyten me 55%, ose 314 miliardë dollarë, në vitin 2020 për shkak të pandemisë Koronavirus, tha të martën Shoqata Ndërkombëtare e Transportit Ajror. (AFP)

E . S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.