Linja hekurudhore Podgoricë – Tiranë – Projekti gati në vitin 2030
Përmirësimi i infrastrukturës hekurudhore në Ballkan është edhe një ndër objektivat kryesore të Bashkimit Europian për vitet e ardhshme. E kjo, veçanërisht për vendet me kushte të këqija ekonomike.
Në mbështetje të kësaj, BE do të kontribuojë në rindërtimin e hekurudhës ndërmjet Malit të Zi dhe Shqipërisë, një projekt i cili do të forcojë mundësitë e përbashkëta nëpërmjet rritjes së fluksit të udhëtarëve dhe mallrave.
Deklarata e botuar në gazetën ‘Vijesti,’ ka ardhur drejtpërdrejt nga sekretarja e shtetit në Ministrinë e Transportit të Malit të Zi, Angelina Zhivkoviç.
Sipas saj, projekti duhet të përfundojë deri në vitin 2030 me pjesën hekurudhore malazeze e cila kërkon 35 milionë euro, si dhe për modernizimin në anën shqiptare, që kërkon 150 milionë euro.
Genta Dobra/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.