Linjat ajrore në dakorësi për klimën – Pjesëmarrësit e IATA pranojnë objektivat e emetimeve zero të karbonit
Linjat ajrore në të gjithë botën ranë dakord në nisje të Javës që të bëjnë progres me planet e trajtimit të ndryshimit klimatik, pasi përballen me presione nga rregullatorët dhe grupet e mjedisit mbi ndikimin e miliarda pasagjerë shtesë që pritet të udhëtojnë në dekadat e ardhshme. Shoqata Ndërkombëtare e Transportit Ajror, që grupon 290 linja ajrore, është angazhuar të arrijë emetime zero të karbonit deri në vitin 2050, pavarësisht kundështimeve nga linjat ajrore kineze.
Ky vendim përshpejton premtimin 12-vjeçar për të përgjysmuar emetimet nga nivelet e vitit 2005 deri në 2050-n dhe përfshin trajtimin e 300 milionë ton shtesë të karbonit përmes masave si karburante të qëndureshëm për aviacionin apo teknologjia hibrid-elektrike. Megjithatë, kjo tërhoqi një serë ankesash nga kompanitë kineze të fluturimit, ç’ka reflekton ndasitë politike me Perëndimin mbi mjedisin, përpara bisedimeve të gjera të klimës në Skoci më vonë gjatë muajit. “China Eastern” deklaroi se linjat ajrore duhet të njohin çështjet që përballen vendet në zhvillim, ç’ka përbën një ngërç në negociatat ndërkombëtare.
Linjat ajrore përshtatën objektivin ndërkohë që drejtuesit e kompanive po llogarisin kostot e krizës së Covid, që po grumbullon një humbje prej 200 miliardë dollarë mes 2020-2022. Shoqata Ndërkobmëtare e Transportit Ajror, projektoi një rënie në humbjet e industrisë në vitin e ardhshëm në 11.6 miliardë dollarë në vitin 2022, nga humbjet prej 51.8 miliardë dollarë në vitin 2021.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.