Linjat ajrore shmangin Iranin, Irakun – Ndryshojnë itinerarin dhe anulojnë fluturimet prej sulmit të Iranit

Linjat e mëdha ajrore kanë anuluar fluturimet në Iran dhe Irak ditën e Mërkurë dhe kanë ndryshuar ndryshuar iteneraret nga hapësirat ajrore të të dy vendeve, pas sulmit të Iranit ndaj forcave amerikane në Irak. Lufthansa, Emiratet, Singapore Airlines, Qantas, China Airlines dhe Malaysia Airlines ishin ndër linjat ajrore që anuluan fluturimet, ndërkohë që Administrata Federale e Aviacionit në SHBA ndaloi fluturimet amerikane në këtë zonë.

Irani lëshoi dhjetra predha drejt dy bazave irakene që mbanin personel amerikan. Brenda disa orëve, Administrata Federale e Aviacionit ndaloi fluturimet amerikane në hapësirën ajrore të Iranit, Gjirit të Omanit dhe ujërave mes Iranit dhe Arabisë Saudite, duke përmendur aktivitetet ushtarake dhe rritjen e tensioneve në Lindjen e Mesme. Ndalimi i fluturimeve erdhi pak orë përpara se të rrëzoi avioni ukrainas në aeroportin e Teheranit, ku mbetën të vdekur të 176 personat në bord.

Operatorët jo-amerikanë nuk janë të detyruar të ndjekin urdhërin e Administratës në SHBA, por ato e konsiderojnë këshillën për të vendosur se ku të fluturojnë. Linjat ajrore janë përpjekur të shmangin zonat e konfliktit që prej vitit 2014, ku fluturimi i linjës së Malajzisë u rrëzua nga një predhë ukrainase, duke lënë 298 persona të vdekur. Ndryshimi i itenerarit rrit orët e fluturimit dhe djeg më shumë karburant.

Air Francë deklaroi gjithashtu se do pezullojë fluturimet në hapësirën ajrore të Iranti dhe Irakut. Linja të tjera ajrore kanë mbajtur në fluturim avionët sipër kësaj zone dhe deklaruan se po monitorojnë situatën.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.