Linjat marrin “fluturimin” – Kompanitë europiane rriten deri në 37% gjatë 2017
Pas vitesh më radhë me humbje, kompanitë më të mëdha ajrore të kontinentit të vjetër po i rikthehen fitimeve, si dhe po marshojnë në bursë. Lufthansa ka rritur vlerën e saj në bursë me plot 19% gjatë tremujorit të parë të vitit.
Air France-KLM u rrit me plot 37%, duke regjistruar kështu tremujorin më të mirë në tre vite. Paradoksalisht, linjat ajrore low cost, si Ryan Air apo Easy jet nuk janë rritur dot më shumë se 2.5%.
Gjatë kohëve të fundit është folur gjerësisht për një krizë financiare që po përjetojnë linjat tradicionale të transportit ajror, për shkak të konkurrencës që vjen nga ato low cost.
Gjërat duket se kanë ndryshuar gjatë muajve të para të këtij viti. Ekspertët e tregjeve kanë rritur ndjeshëm projeksionet për ecurinë në bursë të kompanive eruopiane që operojnë në sektor.
Gjithsesi, të tjera institucione financiare, si Bank of Amerika kanë ulur ndjeshëm projeksionet, duke nënvizuar se, performanca ka qenë thjesht e përkohshme.
Roel Korkuti/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.