Linjat ndërqytetase – Shpallen fituesit për gjashtë linja në vend, ja emrat
Gjashtë kompani kanë fituar të drejtën për të operuar linja të rregullta ndërqytetase. Ministria e Transportit dhe Infrastrukturës bëri me dije se në zbatim të vendimit për krijimin e komisionit vlerësues që mori në shqyrtim dokumentacionin si dhe një konkursi të hapur për linjat ndërqytetase janë dhënë edhe licencat respektive.
Por cilat janë në fakt kompanitë fituese të këtyre linjave dhe itinerari që do të respektojnë?
Linja Tiranë-Rrogozhinë-Tiranë do të operohet nga subjekti “Shpresa-AL” sh.p.k. Në linjën Durrës-Bajram Curri-Durrës subjekti që ka përfituar të drejtën është “Rilindi”sh.p.k. Për Tiranë-Leskovik-Tiranë fituese është shpallur “Shkoza Travel” sh.p.k ndërsa për Përmet-Vlorë-Përmet “Penta Oil” sh.p.k. Subjekti “ADEL” sh.p.k ka të drejtën e Patos-Vlorë-Patos (pa të drejtë qëndrimi në Fier, ndërsa “Alti 07” sh.p.k do të funksionojë përgjatë Vorë-Durrës-Vorë.
Nisma për të reformuar tërësisht transportin ndërqytetas filloi me masat e sigurisë në vitin 2014.
Nertila Maho/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.