Lista e “gjelbër” e britanikëve për verën / Qeveria kërkon ta zgjerojë, por është e kujdesshme për variantet
Britania kërkon të lejojë njerëzit të udhëtojnë jashtë vendit, por qeveria është e kujdesshme ndaj rreziqeve, sipas komenteve nga anëtarët e kabinetit, përpara një lajmërimi nëse do zgjerohet apo jo lista e vogël e destinacioneve pa karantinë. Në Britani, janë rritur shqetësimet mbi kufizimet në udhëtim, ndërkohë që pilotët, ekuipazhi i avionëve, agjentët e udhëtimeve dhe pjesëmarrës të tjerë të industrisë kanë zhvilluar protesta, duke i kërkuar qeverisë të hapë më shumë itineraret. Britanikët janë të ndaluar të udhëtojnë në shumë vende, përfshirë në BE, ndërkohë që rregullat e karantinës dhe testimit janë të lodhshme dhe të shtrenjta. “Personalisht, do të doja që të ishim në një pozitë për të mbështetur ata që duan të udhëtojnë”- tha sekretari i mjedisit, George Eustice, duke shtuar se do jetë e vështirë për shkak të rrezikut të varianteve të reja. Sekertari i Transportit Grant Shapps do të lajmërojë këtë javë nëse do të shtohen vende të tjera tek lista e gjelbër e Anglisë, për vende që nuk kërkojnë karantinë, ndërkohë që spekulimet janë rritur se do të përfshihen ishujt spanjoll si Ibiza. Megjithatë, kabineti ka paralajmëruar se nuk ka gjasa të ketë ndryshime të mëdha tek lista e gjelbër. Malta dhe ishulli Madeira i Portugalisë, pritet gjithashtu të shtohen tek lista. Deri më tani, janë vetëm 11 destinacione të gjelbra për britanikët, që nuk i kërkohen 10 ditë karantinë në kthim.
Klevis Llaha – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.