Llatja dhe Pjetri “gati” për zgjedhjet lokale, lirohen si prefektë! Në Shkodër rikthehet ish prefekti
Këshilli i Ministrave miratoi lirimin nga detyra të prefektit të qarkut të Elbasanit, Gledian Llatja dhe të prefektit të qarkut të Shkodrës, Valdrin Pjetri.
Vendimi erdhi në një moment ku të dy prefektët kanë shpallur kandidaturat zyrtare për zgjedhjet vendore në Bashkitë e vendeve përkatëse.
Ndërkohë, Çesk Millja është emëruar prefekt i Qarkut të Shkodrës. Millja në fakt, ka qenë më parë prefekt i këtij qarku, por u lirua në mars të 2019, për t’u zëvendësuar me Pjetrin.
Përsa i përket prefektit të ri të Qarkut të Elbasanit nuk ka ende një komunikim zyrtar.
Jenida Vladi/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.