Lleshaj, ultimatum policisë: “Eliminoni kanabisin brenda 15 qershorit, më pas mbani përgjegjësi”
Puna e krerëve të policisë së shtetit dhe strukturave përgjegjëse në luftën kundër kanabisit do të matet me rezultate konkrete. Ministri i brendshëm Sandër Lleshaj në takimin e organizuar u bëri apel drejtuesve të policies për eliminimin e të gjitha bimëve narkotike brenda datës 15 qershor në të kundër do të mbajnë përgjegjësi.
‘Çdo fidan që kapet në Shqipëri deri në 15 qershor është meritë e juaja, drejtuesve të policisë, çfarë kapet pas 15 qershorit, është përgjegjësi e secilit prej jush e drejtpërdrejtë. Kjo datë ndanë përgjegjësinë dhe në funksion të kësaj detyre duhet të organizohet puna në nivel vendor dhe qendror. Taks Forca drejtohet nga Rovena Voda. Nga Sot e në vijim duhet ritëm i lartë pune, takimesh dhe kontrollesh”, u shpreh Llleshaj.
Lleshaj u ndal edhe në zgjedhjet vendore që do të mbahen në qershor duke i kërkuar prefektëve në gjithë qarqet e vendit, si edhe policisë së shtetit të të marrin masa për mbarëvajtjen teksa përjashtoi çdo mundësi për bllokimin e tyre nga opozita .
Nertila Doko / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.