Llogaridhënia vijon në Kuçovë, Rama: Ulje të taksës për biznesin me xhiro deri në 14 mln lekë

Kryeministri Edi Rama ka konfirmuar lajmin për uljen e taksës për biznesin me xhiro vjetore nga 8 deri në 14 milion lekë.

Nga Kuçova, gjatë turit të llogaridhënies, Rama tha se kjo kategori biznesi do përfitoj ulje të taksës në 5% nga 15% që është aktualisht duke filluar nga viti i ardhshëm.

Rama u ndal edhe tek punësimi sipas të cilit vetëm nga zyrat e vëna në dispozicion   janë punësuar 10 mijë qytetarë duke shtuar se objektiv mbetet arritja e punësimit të 25 mijë qytetarëve, deri në fund të vitit.

Lidhur me pagat Rama deklaroi se paga mesatare në vendin tonë është në ekuilibër me rajonin.

Rama u ndal tek punonjësit e administratës duke thënë se ka ende abuzues, ai i bërë thirrje qytetarëve të denoncojnë çdo raste kur mungon shërbimi në zyrat e Administratës Publike.

Nertila Doko/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.