Loja ‘Angry Birds’, tashmë në një format të ri tri dimensionar!

Rovio,kompania finlandeze e lojrave, kanë sjellë  në treg, një dimension të ri, më afër realitetit, të lojës Angry Birds. Ky dimension i ri i kësaj loje do të quhet Angry Birds Isle of Pigs. Kjo lojë, mjaft e njohur për mijëra përdorues në mbarë botën, tashmë do të vijë në formatin e ri tri dimensionar, për pajisjet elektonike të markës Apple.

Kjo risi, e shpallur në Konferencën e Zhvilluesve të Lojërave në San Francisko, erdhi përveç dy lojrave që kompania kishte premtuar të sjellë në treg këtë vit. Rovio, i njohur kryesisht për produktet e saj të Angry Birds, tha se ky element i shtuar i lojës, do i’u lejojë lojtarëve që të shijojnë këtë një mjedis të ri tre-dimensionar, duke krijuar idenë e një tryeze,përmes një iPhone ose iPad.

‘’Loja do i’u lejojë lojtarëve të marrin pushtetin e ‘Angry Birds ‘në duart e tyre si kurrë më parë, duke përdorur teknologjinë ARKit të Apple”, tha kreu i Rovio në një deklaratë.

Apple gjithashtu ka nxjerrë në treg lentet për syzet 3D, duke e bërë këtë lojë edhe më reale.

Elefteria Zguri/ SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.