Londra ‘bie’ përsëri – Çfarë po ndodh me çmimet e shtëpive?

Çmimet e shtëpive britanike u rritën vetëm pak këtë muaj, pasi afrimi i Brexit po rëndon tek tregu i tyre.

Sipas të  dhënave nga huadhënësit hipotekues mbarëkombëtar çmimet u rritën me 0.7 për qind në terma vjetorë në muajin mars, nga një rritje prej 0.4 për qind muajin e kaluar. Çmimet e shtëpive u rritën me rreth 5 për qind në vit në kohën e referendumit të Brexit në 2016. Në terma mujorë, çmimet u rritën me 0.2 për qind, pasi ranë me 0.1 për qind në shkurt. Ekonomistët në një sondazh të Reuters prisnin që çmimet të rriteshin me 0.6 për qind në rang vjetor.

Javën e kaluar, të dhënat zyrtare, që mbulonin më shumë transaksione sesa sondazhet e tjera, treguan se çmimet në janar u rritën me 1.7 për qind në rang vjetor, rritja më e vogël që nga viti 2013. Të dhënat treguan se Londra ishte rajoni më i dobët në Mbretërinë e Bashkuar tremujori i parë i vitit 2019 me çmimet rënë me 3.8 për qind në rang vjetor, rënia më e madhe që nga viti 2009. Ishte tremujori i shtatë radhazi për të treguar rënie të çmimeve në kryeqytet. Faktorët pas rënies në Londër përfshinin çmime të papërballueshme për shumë blerës dhe ndryshime në taksë që ndikojnë në tregun e blerjeve.

Howard Archer, një ekonomist me EK Item Club, një firmë parashikimi, tha se vonesa e zgjatur e Brexit mund të çonte në uljen e çmimeve të shtëpive ose në rënie të lehtë në 2019. “Nëse Britania e Madhe lë BE pa një marrëveshje gjatë tremujorit të dytë, çmimet e shtëpive mund të bien me rreth 5 për qind në 2019 mes rritjes së pasigurisë dhe dobësimit të aktivitetit ekonomik ” -tha Archer.

Burimi: Reuters

E.T/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.