Los Anxhelos vendos të zëvendësojë palmat me diçka më praktike

Ndërkohë që Los Anxhelos është duke rikonstruktuar një hapësirë të konsiderueshme të vendit, rrezikon që të humbasë një nga gjerat më të çmuara që e ka dalluar ndër vite, palmat.

Zyrtarët e qytetit vlerësojnë se gjatë pesë viteve të ardhshme, pemët e rajonit do të vdesin aq shpejt, sa mund të duhet të paktën 30, ndoshta edhe 50 vjet, për t’i zëvendësuar të gjitha. Dhe ky zëvendësim nuk ka shumë gjasa të ndodhë.

Palmat nuk e kanë origjinën në tokën e L.A. Në fakt, historia e tyre në Qytetin e Engjëjve fillon në shekullin e 19-të.

Në një përpjekje për të joshur turistët të lëviznin në perëndim, planifikuesit e qytetit importuan palma nga e gjithë bota. Ato u mbollën përgjatë anëve të autostradave të qytetit dhe shpejt arritën të përfaqësonin pamjen e decentralizuar të L.A.

Pasi Kalifornia jugore u bë epiqendra e prodhimit të filmave, prodhuesit e filmave filluan të përdorin pemën e palmës si një emblemë të qytetit.

Por, teksa temperaturat në qytet vazhdojnë të rriten edhe çmimi i pemëve të palmave rritet (një palmë mund të kushtojë deri në $20,000), ndaj zyrtarët duan të zëvendësojnë bimët me diçka më praktike.

“Los Anxhelos po ballafaqohet me një valë të nxehti, prandaj është e rëndësishme që të mbjellim pemë që sigurojnë hije të përshtatshme për të mbrojtur njerëzit dhe për të ftohur qytetin”, tha Elizabeta Skrzat, drejtore e programit për “ Bimët e qytetit”.

Pemët e palmave, pa dyshim, nuk janë zgjidhja më e mirë për një qytet që kërkon të luftojë smogun. Në kushtet e lehtësimit të efekteve të ndotjes, pemët palme veprojnë më shumë si bar sesa si pemë.

Zyrtarët e qytetit kanë vendosur t’i zëvendësojnë ato me pemë vendase që kanë nevojë për më pak ujë dhe shtojnë oksigjenin në ajër.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.