Lotaria Amerikane, Ambasada: Regjistrimi vetëm një herë. Të martuarit, rregullat që mund të ndjekin

Aplikimi për Lotarinë Amerikane ka rinisur që prej datës 18 Tetor, ndërkohë që afati i fundit për aplikim është data 22 Nëntor 2017.

Ambasada përmes një postimi në rrjetin social “Facebook” rikujton edhe njëherë se ata që kanë aplikuar përpara datës 18 tetor 2017 për DV-2019, ky aplikim nuk do të merret në konsideratë, ndërkohë që kandidatët duhet të dorëzojnë një aplikim të ri gjatë periudhës së re të regjistrimit.

Gjithashtu në këtë fazë të dytë, kandidatët duhet të regjistrohen vetëm një herë si aplikantë kryesorë gjatë periudhës 18 tetor – 22 Nëntor 2017.

Ambasada më tej thekson se “ Nëse jeni të martuar, edhe bashkëshortja juaj mund të aplikojë si aplikante kryesore, duke ju përfshirë ju dhe fëmijët nën 21 vjeç e të pamartuar tek aplikimi i saj. Ju mund të përdorni fotografinë që përdorët kur aplikuat në datat 3-10 Tetor 2017.”

Postimi i plotë

“Përshëndetje të gjithëve! Ju lutem mbani mend, periudha e re e regjistrimit për DV 2019 është aktualisht e hapur dhe mbyllet të mërkurën, më 22 nëntor 2017. Nëse keni aplikuar përpara datës 18 tetor 2017 për DV-2019, aplikimi juaj nuk do të merret në konsideratë dhe do t’ju duhet të dorëzoni një aplikim të ri gjatë periudhës së re të regjistrimit. Ju NUK do të skualifikoheni për shkak se po aplikoni sërish, por mbani mend që ju duhet të regjistroheni vetëm një herë si aplikant kryesor gjatë periudhës 18 tetor – 22 Nëntor 2017. Nëse jeni të martuar, edhe bashkëshortja juaj mund të aplikojë si aplikante kryesore dhe ju përfshin ju dhe fëmijët nën 21 vjeç e të pamartuar tek aplikimi i saj. Ju mund të përdorni fotografinë që përdorët kur aplikuat në datat 3-10 Tetor 2017. Lexoni udhëzimet përpara se të aplikoni: https://go.usa.gov/xnruQ. Ende të paqartë? Mos u shqetësoni, tani unë do t’u përgjigjem pyetjeve tuaja!”, thuhet në postimin e Ambasadës së SHBA.

Lexoni rregullat e plota.

os.de/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.