Lufta globale tregtare – SHBA tashmë kundër Indisë
Një tjetër flamur është shtuar në ‘hartën’ e Shtëpisë së bardhë në epokën e Amerikës së Parë. Donald Trump tani synon Indinë, në luftën e saj tregtare proteksioniste e cila është bërë globale në këtë pikë. Ndërkohë që Kina po përgjigjet me detyra kompensuese dhe një ‘liste të zezë’ të kompanive amerikane.
Që nga 5 qershori, administrata Trump do të largojë Indinë nga lista e vendeve që konsiderohen në zhvillim, një status i veçantë që në vitet e fundit i ka lejuar përjashtimin nga tarifat amerikane për miliarda dollarë të produkteve indiane të eksportuara. Trump ankohet se India nuk po i ofron Shteteve të Bashkuara “qasje të barabartë, të drejtë dhe të arsyeshme në tregjet e saj”.
India do të largohet nga Sistemi i Përgjithshëm i Preferencave (Gsp), lista e krijuar në vitin 1976 për t’u lejuar vendeve në zhvillim që të lehtësojnë varfërinë nëpërmjet tregtisë. Ka rreth 2 mijë produkte indiane që kanë akses në tregun amerikan pa taksa, në 2018 në 83.2 miliardë dollarë eksporte indiane në Shtetet e Bashkuara, 5.6 miliardë dollarë u përfshinë në këto përjashtime tarifore.
Produktet e para të bëra në Indi që do të goditen nga taksat do të jenë panelet diellore dhe makinat larëse. Por dispozita mund të ndikojë gjithashtu tekstilet, stolitë, komponentët e makinave, prodhimet bujqësore. Një vendim i destinuar të përkeqësojë marrëdhëniet midis Shteteve të Bashkuara dhe Indisë, një vend që deri tani Shtëpia e Bardhë e konsideronte një aleat për të kundërshtuar përparimin ekonomik të Kinës.
Qeveria indiane, e cila këto ditë po përjeton një fazë tranzicioni për fillimin e mandatit të dytë të kryeministrit Narendra Modi, po përpiqet të minimizojë vendimin amerikan. Në një deklaratë, Ministria e Tregtisë kujton se përpjekjet për të negociuar një marrëveshje me SHBA-në janë “fatkeqësisht” të dështuara. “Ne vazhdojmë të punojmë për të përmirësuar marrëdhëniet me Shtetet e Bashkuara. Për tregtinë, vendimet tona udhëhiqen nga domosdoshmëria që zhvillimi mbetet për popullin tonë për standarde më të mira jetese “.
Negociatat vazhduan për muaj pa sukses. Uashingtoni është përpjekur pa sukses për të hyrë në tregun indian me produktet e qumështit dhe ilaçet. Në industrinë hi-tech, sipas amerikanëve, India ka një qasje proteksioniste, sepse ajo nuk lejon hyrjen në treg për gjigantët e tregtisë si Amazon dhe Flipkart, një vend shitjeje online i kontrolluar nga Walmart. Trump ka kritikuar vazhdimisht Indinë në muajt e fundit për taksat e larta që tashmë janë në fuqi për motoçikletat amerikane.
Burimi: Ilsole24ore
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.