“Lufta kundër korrupsionit dhe mashtrimit financiar”, Bujar Leskaj: KLSH, 718 kallëzime nga 2012-2016, dëmi ekonomik 192 mln lekë
Rreth 718 kallëzime penale janë bërë nga Kontrolli i Lartë i Shtetit për institucionet shtetërore përgjatë viteve 2012-2016, ndërkohë që dëmi ekonomik në buxhetin e shtetit llogaritet në 192 milionë lekë. Kështu është shprehur, kreu i KLSH, Bujar Leskaj, gjatë konferencës rajonale “Roli i institucioneve supreme të auditimit, në luftën kundër korrupsionit dhe mashtrimit financiar”.
Gjatë fjalës së tij, Leskaj pohoi gjithashtu se korrupsioni më i madh dhe më i neveritshëm është ai politik, por që sipas tij në këtë aspekt KLSH nuk mund të kontrollojë dot. “Janë 718 kallëzime penale nga 2012-2016. Zbulimi i dëmit në buxhetin e shtetit ka qenë 192 milionë leke. Korrupsioni më i madh dhe më i neveritshëm është ai politik, por në këtë aspekt nuk kontrollojmë dot”, tha Leskaj.
Gjatë referimit të tij, Leskaj theksoi gjithashtu se reforma në drejtësi pritet të ndikojë në uljen e korrupsionit dhe mashtrimit financiar.
Violeta Shqalsi/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.