Lufta në Ukrainë shtyn Gjermaninë të forcojë infrastrukturën e saj të bunkerëve!
Gjermania ka filluar punën për forcimin e strehimoreve të saj në bodrum, si dhe ndërtimin e rezervave të krizës në rast lufte, raportoi të shtunën gazeta Welt am Sonntag, duke cituar ministrin e brendshëm të vendit.
Pas dekadave të humbjes së forcave të armatosura të Gjermanisë, lufta e Rusisë në Ukrainë ka çuar në një ndryshim të madh politikash me kancelari gjerman Olaf Scholz që u zotua të rrisë shpenzimet e mbrojtjes dhe të injektojë 100 miliardë euro (109 miliardë dollarë) në ushtri.
Qeveria po kërkon gjithashtu përmirësimin e sistemeve të saj të strehimit publik dhe do të rrisë shpenzimet për mbrojtjen civile, i tha gazetës Ministrja e Brendshme Nansi Faeser. “Aktualisht ka 599 strehimore publike në Gjermani. Ne do të kontrollojmë nëse mund të përmirësojmë më shumë sisteme të tilla”, tha Faeser.
Gjermania po punon për koncepte të reja për forcimin e parkingjeve nëntokësore, stacioneve të metrosë dhe bodrumeve për t’u bërë strehimore të mundshme, tha ajo, duke shtuar se qeveria u ka dhënë shteteve federale 88 milionë euro për të instaluar sirena të reja.
“Por për sa i përket mbulimit mbarëkombëtar, ne nuk jemi as afër,” shtoi Faeser. Vendi gjithashtu do të krijojë rezerva krizash me furnizime duke përfshirë pajisje mjekësore, veshje mbrojtëse, maska ose ilaçe, tha ajo. RTS
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.