‘Lufta’ për para të gatshme – Italia nis operacionin e ‘cashback’, por kush është qëllimi real?!
Operacioni cashback, i cili fillon të martën 8 dhjetor, do të duhet të luftojë me kufizimet e vendosura nga qeveria për të shmangur valën e tretë të koronavirusit. Blerjet e bëra nga 8 deri më 31 dhjetor mund të gjenerojnë një rimbursim shtetëror deri në një maksimum prej 150 eurosh.
Por këto blerje do të duhet të paguhen – me karta, ATM dhe aplikacione – vetëm personalisht: domethënë në dyqane, restorante, supermarkete, artizanë dhe profesionistë. Ndërsa nga ana tjetër, blerjet në internet nuk do të llogariten. Me pak fjalë, kjo është një ftesë për blerje tradicionale por ndërkohë ky proces do të përballet me kufizimet për sa i përket kohës, ditëve të mbylljes dhe kufijve të udhëtimit të përfshira në Dpcm të 4 Dhjetorit.
Për të marrë cashback e Krishtlindjes italianët do të duhen të paktën të disponojnë dhjetë pagesa nga nesër deri në fund të vitit. Në praktikë, një në çdo dy ditë, me përjashtim të festave. Rimbursimi do të jetë i barabartë me 10% të kostos. Për shembull, me 20 blerje prej 25 eurosh (shpenzimi total prej 500) do të keni një kthim të parave prej 50 eurosh. Paratë do të mbërrijnë në shkurt direkt në llogarinë rrjedhëse të përfituesit dhe shifra nuk mund të kalojë 150 euro në total. Me një paralajmërim më shumë: rimbursimi për një operacion të vetëm nuk do të kalojë kurrë 15 euro, madje edhe për pagesa mbi 150 euro.
Sapo të mbyllet faza e Krishtlindjes, nga 1 janari do të fillojë cashback vjetor, i cili do të llogaritet mbi baza gjysmë-vjetore deri më 30 qershor 2022. Blerjet duhet të jenë të paktën 50 për semestër. Dhe rimbursimi do të arrijë deri në 150 euro (për një total prej 300 në vit). Gjithashtu çdo gjashtë muaj, 100 mijë njerëzit që kanë kryer më shumë operacione do të kenë një premium shtesë: super cashback, e barabartë me 1,500 euro fikse.
Por ku qëndron kleçka e këtij operacioni kaq bujar?!
Arsyeja për kaq shumë bujari shtetërore është e qartë, Thesari alokon 4.7 miliardë lekë për operacionin e cashback me qëllim rikuperimin e tyre në formën e taksave më të larta. Është një operacion i azhurnuar i “konfliktit të interesit” të vjetër: domethënë synon të joshë klientin të paguajë me para elektronike dhe në gjendje të mirë. E njëjta filozofi që frymëzon lotarinë e faturave, nga e cila, sipas ligjit të buxhetit, do të përjashtohen ata që paguajnë me para në dorë.
Plani cashless ka lindur nga një perspektivë anti-evazion fiskal, duke u përpjekur të përmbysë perspektivën nga plani i sanksionit në atë të stimujve të dhënë për blerësit dhe shitësit me pakicë për braktisjen e parave të gatshme dhe preferencën për sistemet e gjurmueshme që nuk lejojnë të fshehin shumën e tatueshme nga autoritetet tatimore.
Mbetet të verifikohet konkretisht se cilat do të jenë efektet, edhe pse nuk do të jetë një proces i shpejtë gjithmonë duke marrë parasysh vështirësitë ekonomike dhe financiare të lidhura me urgjencën e koronavirusit. (Ilsole24ore)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.