“Lufta për pasuri” – Elon Musk kalon sërish Jeff Bezos duke arritur rreth 200 miliardë dollarë

Pasuria e shefit ekzekutiv të Tesla Inc. u rrit në 199.9 miliardë dollarë pasi kompania e raketave që ai themeloi përfundoi një tjetër raund financimi, duke e kaluar atë në majë të Indeksit të Miliarderëve Bloomberg për herë të dytë këtë vit.

Ai tejkaloi Jeff Bezos të Amazon.com Inc., i cili riktheu shkurtimisht titullin si personi më i pasur në botë këtë javë pasi aksionet e Tesla ranë dhe tërhoqën vlerën e neto të Musk. Bezos vlen 194.2 miliardë dollarë.

SpaceX mblodhi edhe 850 milion dollarë të tjerë këtë muaj nga një grup investitorësh të udhëhequr nga Sequoia Capital. Raundi vlerëson kompaninë në 74 miliardë dollarë, një rritje prej 60% nga gushti dhe ndihmoi në rritjen e pasurisë së Musk me rreth 11 miliardë dollarë, sipas indeksit.

Gjithashtu këtë javë, Musk ftoi Presidentin rus Vladimir Putin në një bisedë në Clubhouse, aplikacioni i mediave sociale. Një zëdhënës i Kremlinit tha se Putini nuk përdor media sociale, por shtoi se ftesa ishte “pa dyshim shumë interesante”.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.