Luftë pasurive e parave të pista! Soreca: 2020 vit kyç, të rritet eficenca ndaj korrupsionit. Kraja: SPAK rezultatet po vijnë

Lufta kundër pastrimit të parave dhe kapja e pasurive të krijuara përmes krimit e korrupsionit kanë qenë kryafjala e Konferencës Sfida e Prokurorisë së Përgjithshme nën Dritën e reformës në Drejtësi.

Në takimin që mblodhi aktorët më të rëndësishëm kombëtarë e ndërkombëtarë të reformës në drejtësi, Ambasadori i Bashkimit Evropian në Tiranë Luigi Soreca, e quajti 2020-ën një vit kyç, në një çast kur sistemi shqiptar i drejtësisë ka nevojë të rrisë eficencën veçanërisht në gjurmimin e kapjes e parave të pista e pasurive të jashtëligjshme.

Ministrja e Drejtësisë Etilda Gjonaj, e lidhi suksesi e Reformës në Drejtësi me çeljen e afërt të negociatave me Bashkimin Evropian.

Kryeprokurori i Përgjithashëm Olsian Çela foli për një përqasje të re të Prokurorisë të orientuar nga krimi ekonomik e informaliteti. Ndërsa Drejtuesi i SPAK Arben Kraja, pranoi se pritshmëritë për këtë organ kyç të hetimit janë shumë të larta. Por sipas tij, presioni për rezultate, nuk duhet të cënojë cilësinë e hetimeve.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.