Luhatet paundi / Banka e Anglisë merr masat për koronavirus, pret normat e interesit me 0.5%

Banka e Anglisë (BOE), banka qendrore e Mbretërisë së Bashkuar, uli normat e interesit me 0.5 pikë përqindje të mërkurën në mëngjes, si pjesë e një përgjigje emergjente ndaj koronavirusit, ose COVID-19.

Norma e interesit standarde e bankës qendrore para uljes ishte 0.75%. “Ulja e Normës së Bankës do të ndihmojë në mbështetjen e besimit të biznesit dhe konsumatorit në një moment të vështirë, për të forcuar flukset e parave të bizneseve dhe familjeve, dhe për të zvogëluar koston, dhe përmirëson disponueshmërinë.”, tha BOE.

Paundi britanik ra pak kohë pas vendimit të Bankës së Anglisë, por i grumbulloi humbjet për tregti me 1.2904 dollarë ndaj dollarit në 07:58 AM GMT.

“Pas përhapjes së COVID-19, çmimet e aseteve dhe të mallrave kanë rënë ndjeshëm, dhe rendimentet e obligacioneve të qeverisë arritën kulmin e poshtëm të të gjitha kohërave. Pasiguria e tregut financiar ka arritur në nivele ekstreme.”, tha BOE.

Dosti Banushi – SCAN

Burimi: Business Insider

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.