‘Macak’, macja e zezë që magjepsi “Mjeshtrin e Dritës” Nikola Tesla! Shkëndija e kurrizit të saj ‘solli’ elektricitetin në botë

Një mace e zezë e quajtur Macak ishte shoqëruesja e preferuar e gjeniut Nikola Tesla në fëmijëri. Dekada më vonë, në një letër të vitit 1939, Tesla ka treguar se si macja e tij i solli tërheqjen e tij të përjetshme me elektricitetin.

“Një mbrëmje po i fërkoja kurrizin Macakut dhe pashë një mrekulli që më la pa fjalë. Kurrizi i maces lëshoi shkëndija në ndërveprimin me dorën time, aq të zhurmshme sa u ndjenë në të gjithë shtëpinë.

Mamaja ime u mahnit dhe më tha: Mjaft luajte me macen se ajo mund të na vërë zjarrin. Dhe unë po mendoja në mënyrë abstrakte. A është natyra një mace gjigande? Nëse po, kush ia fërkon kurrizin? Ditë pas dite në fëmijëri i kam bërë pyetje vetes:  Çfarë është elektriciteti?” shkruhet në letër.

Nikola Tesla ishte një shpikës që ka ndryshuar terësisht jetët tona. Ai ka kontribute monumentale në shkencat elektrike. Tesla njihet si ndër shkencëtarët më të mëdhenj të fund shekullit 19-të dhe fillimit të atij të 20-të dhe si një nga pararendësit e teknologjisë moderne.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.