Macron: Doza e tretë e detyrueshme për të ruajtur lejen e gjelbër e cila do të përditësohet në 15 Dhjetor!
Pandemia nuk ka mbaruar, “vigjilencë maksimale”. Emmanuel Macron i kthehet sërish francezëve, paralajmëron se Covid-i nuk fitohet lehtë dhe nis një apel të përzemërt: “vaksinohuni, vaksinohuni”.
Nga sallonet e Elysee, presidenti njofton se leja e gjelbër për ata mbi 65 vjeç do të rinovohet nga 15 dhjetori vetëm nëse ata kanë marrë dozën e tretë. Dhe njofton se pas 3 javësh do të nisë fushata për përforcuesin nga 50 vjeç e lart. Presidenti thekson se “situata në Francë është më e mirë” se në vendet e tjera.
Në fund të fjalimit në RTV kombëtare, u hap gara për të rezervuar dozën e tretë të vaksinës: mbi 100 mijë persona, sipas të dhënave nga platforma e prenotimeve të Shëndetësisë, caktuan një takim për dozën e tretë në orën që vijoi apelin e vaksinimit të presidentit.
Ndërkohë, mbajtja e maskës do të jetë sërish e detyrueshme në të gjitha shkollat fillore duke filluar nga e hëna e 15 nëntorit, njoftoi Ministria e Arsimit.
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.