Macron i bën thirrje Europës dhe SHBA-ve: Dërgoni 4-5% të vaksinave në vendet e varfra
Presidenti francez Emmanuel Macron u ka bërë thirrje Europës dhe SHBA-ve të dërgojnë urgjentisht deri në 5% të furnizimeve të tyre të vaksinave koronavirus në vendet në zhvillim.
Macron i tha Financial Times se dështimi për të ndarë vaksinat në mënyrë të drejtë do të nguliste pabarazinë globale.
Pjesa dërrmuese e vaksinave janë administruar nga vendet me të ardhura të larta deri më tani.
Macron propozoi planin e tij për të adresuar çekuilibrin përpara një samiti virtual të liderëve botërorë të G7 të Premten.
Shtëpia e Bardhë ka thënë se Presidenti i SHBA Joe Biden do të njoftojë një premtim prej 4 miliard dollarë në financimin e Covax në takim.
Kryeministri britanik Boris Johnson – i cili do të drejtojë takimin – pritet t’i kushtojë shtesë skemës globale të ndarjes së vaksinave, e njohur si Covax.
Deri më tani, të paktën 110 milion njerëz janë infektuar me virusin në të gjithë botën dhe më shumë se 2.4 milion kanë vdekur, sipas shifrave nga Universiteti Johns Hopkins.
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.