Madridi “kontroll” mbi Katalonjën – Rajoy: Shkarkohet qeveria rajonale, zgjedhje të parakohshme

Qeveria e Spanjës vendosi të shkarkojë udhëheqjen separatiste të Katalonjës dhe ta detyrojë rajonin të shkojë drejt zgjedhjeve të parakohshme. Qeveria qendrore deklaroi se do të ndërmarrë hapin e paprecedentë për të parandaluar rajonin të shkojë drejt pavarësisë.

Plani, që kërkon edhe miratimin e dy dhomave të senatit, synon të zgjidhë krizën më të thellë politike në Spanjë, në katër dekadat e fundit. Por, ky vendim rrezikon të shkaktojë një reagim të mbështetësve të pavarësisë, të cilët kanë paralajmëruar protesta.

Duke njoftuar vendimin e kabinetit, kryeministri Mariano Rajoy, deklaroi se, ekonomia e Katalonjës, që përbën 1/5 e ekonomisë spanjolle, gjendet në një gjendje të vështirë për shkak të vendimit të qeverisë rajonale për të shpallur pavarësinë.

“Do ti kërkojmë senatit, me qëllimin për të mbrojtur interesin e përgjithshëm të kombit, të autorizojë qeverinë që të shkarkojë presidentin e Katalonjës dhe qeverinë rajonale”, deklaroi Rajoy në një konferencë për mediat.

Kjo është hera e parë që nga kthimi i Spanjës në demokraci në fund të viteve 1970, që qeveria qendrore ka përdorur të drejtën kushtetuese për të marrë kontrollin e një rajoni dhe për ta qeverisur drejtpërdrejt nga Madridi. “Kontrolli direkt” përfshin kontroll të plotë mbi policinë rajonale, mbi financat dhe median publike.

Lidion Kulla/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.