Majko me sipërmarrësit dhe profesionistët e rinj në Kanada

Gjatë takimit të Minstrit Pandeli Majko dhe drejtorit ekzekutiv të Këshillit të Bizneseve Kanadezo-Shqiptare Robert Baines, fokusi i bisedimeve të zhvilluara ishte tërheqja e investimeve kanadeze e.

Gjithashtu në këtë takim u diskutua edhe rëndësia e rolit të Këshilleve të Biznesit në krijimin e lidhjeve të qëndrueshme mes vendeve.

Ndërsa përmendi arritjet e diasporës shqiptare në Kanada, z. Baines tha se po punohej për orientimin e bizneseve shqiptaro-kanadeze drejt Shqipërisë.

Ministri Majko nga ana e tij e njohu zyrtarin me hapat e ndërmarrë në bashkëpunim me qeverinë e Kosovës për të mundësuar një qasje më të efektshme ndaj të gjithë shqiptarëve që jetojnë jashtë vendit.

Në Hamilton, z. Majko vizitoi edhe ambientet e biznesit të suksesshëm shqiptar Pro-Don Construction Inc, i specializuar në ndërtime druri. Si dhe sipërmarrjen e sukseshmë IBX Services” e drejtuar gjithashtu nga shqiptarë.

Ministri vizitoi fabrikën e kompanisë që merret me restaurime pronash e që numëron rreth 200 punonjës.

Në të dyja rastet Ministri vlerësoi arritjet e sipërmarrësve shqiptarë, të cilët siç tha me aftësitë e tyre kanë tejkaluar çdo barrierë, duke u kthyer në një aset të shoqërisë kanadeze dhe asaj shqiptare.
Gjithashtu gjatë takimit me përfaqësues të organizatës së themeluar nga shqipatrë “RH Scholarship” u diskutua mundësia e shkëmbimit të studentëve midis dy vendeve.

Roli i profesionistëve të suksesshëm në zhvillimin e Shqipërisë, ishte në qendër të diskutimeve në takimin që zhvilloi z. Majko me ‘Albanian Canadian Excellence Society’ . Shoqata ku bëjnë pjesë profesionistë të rinj të suksesshëm, plotësisht të integruar në shoqërinë kanadeze

Ministri Majko dhe homologu i tij u shprehën të gatshëm për krijimin e kushteve që do të mundësojnë një shfrytëzim sa më të mirë të kapitalit social. Ata prezantuan arritjet dhe planet e dy qeverive për të krijuar një strukturë të fortë mbështetëse për diasporën dhe për të ndërtuar ura bashkëpunimi.

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.