Majmunët në Parlament – Piktura e veçantë e vitit 2009 del në ankand, vlerësohet $2.5 mln

Një pikturë e Bansky me disa shimpanze të ulur në Parlamentin Britanik, në vendet e deputetëve  do të dalë në ankand javën tjetër, dhe pritet të shitet për një shifër prej rreth 2.5 milionë dollarësh. Çmimi kaq i lartë nuk është vetëm për shkak të mesazhit të fortë që kjo pikturë përcjell, por edhe për shkak të artistit.

Bansky është një artist rrugësh, aktivist politik, regjisor filmash, anonim, i cili operon në Mbretërinë e Bashkuar. Piktura në fjalë që  mban titullin “Parlamenti i Transferuar” është plot 4 metra e lartë duke u bërë kështu edhe piktura më e madhe e artistit anoninim britanik.  Vepra ka marrë vëmendje mjaft të madhe gjatë kohëve të fundit, për shkak të problemeve që po has parlamenti me daljen nga Bashkimi Europian. Për këtë arsye, shtëpia e ankandeve ka vendosur që ta vlerësojë nga 1.84 deri në 2.46 milionë dollarë.

Ekspertët thonë se kjo vepër ka një vlerë të jashtëzakonshme sot, jo vetëm në Britaninë e Madhe por në të gjithë Europën. Një prej demokracive më të vjetra në botë po kthehet pas në kohë drejt sjelljeve tribale të kafshëve, thonë kritikët e artit. Vepra është e vitit 2009 dhe do të dalë në ankand ditën e Enjte, më 3 Tetor.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.