Makina plot me cigare, detergjentë e verë-Goditet kontrabanda në doganën e Hanit të Hotit, arrestohet shoferi i automjetit!
Drejtoria e Përgjithshme e Doganave njofton se janë kapur mallra kontrabandë në Degën Doganore të Hanit të Hotit në Shkodër.
“Shërbimi Doganor i Degës së Hanit të Hotit gjatë kontrolleve të ushtruara ka konstatuar, se në automjetin e shtetasit me inicialet B.B ishin fshehur mallra të padeklaruara, të cilat synonte ti fuste në territorin shqiptar kontrabandë nga Mali i Zi. Në automjetin e këtij shtetasi janë sekuestruar mallra të cilat duhet të paguajnë akcizë dhe taksë doganore si, cigare Trokadero 433 paketa, verë e kuqe, si dhe mallrat e tjera ushqimore dhe detergjente” njoftojnë doganat .
Bazuar në nenet 172 dhe 174 të Kodit Penal, nga Shërbimi Doganor i kësaj Dege,u krye arrestimi i këtij shtetasi dhe materialet i kaluan Prokurorisë, pranë Gjykatës së Shkallës së Parë, Shkodër për hetime të mëtejshme.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.