“Makinat e luksit” në sekuestro – Operacioni “Vjeshtë 2017”, bllokohen 4 automjete në vlerën e 1 milion eurove (VIDEO)

Policia e Tiranës vijon planin e masave në kuadër të operacionit “Vjeshtë 2017”. Konkretisht, Policia e Tiranës sekuestroi 4 automjete të blinduara me vlerë rreth 1 milionë euro.

Në këtë operacion, Drejtoria Vendore e Policisë Tiranë, në kuadër të planit të masave “Vjeshtë 2017”, sekuestroi 4 mjete të blinduara :

– Automjet tip “Audi”, ngjyrë e zezë.

– Automjet tip “Benz Mercedes”, ngjyrë e zezë.

– Automjet tip “Audi”, ngjyrë e zezë.

– Automjet tip “Mercedes Benz”, ngjyrë e zezë.

“Këto automjete dyshohet të jenë të trafikuara. Materialet proceduriale i kaluan Prokurorisë pranë Gjykatës së Shkallës së parë Tiranë për veprën penale “Trafikim i mjeteve motorike” dhe “Pastrim produktesh të veprës penale””, thuhet në njoftimin e Policisë së Tiranës.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.