Makinat e reja priten të kenë sistem kamerash në vend të pasqyrave
Pas aprovimit të vendosjes së kamerave në vend të pasqyrave nga Europa dhe Japonia tashmë edhe SHBA-ja po teston këtë risi.
Ajo tashmë po planifikon të provojë se si shoferët mund të përdorin kamera për të zëvendësuar pasqyrat tradicionale në automobile.
Testi i planifikuar do të ekzaminonte sjelljen e drejtimit dhe ekzekutimin e manovrës së ndryshimit të korsisë në makina me pasqyra tradicionale dhe sisteme të shikueshmërisë bazuar në kamera.
Aleanca e Prodhuesve të Automjeteve një grup që përfshinë kompanitë Volkswagen, Toyota dhe Tesla kanë kërkuar të përdorin këtë risi së bashku më Mercedes Benz.
Prodhuesit e automjeteve zakonisht kanë shtuar kamerat e përparme dhe të pasme për të ndihmuar me manovrat si parkimi, por disa tani janë duke shtuar kamera anësore për të siguruar shikueshmëri pa pasqyra tradicionale.
Aktualisht Lexus ES ka aplikuar risinë në Japoni dhe Audi E-tron në Europë
Edhe pse automjetet e reja kanë vizualizim 360 gradë me kamera ato ende përdorin pasqyra tradicionale.
Nebi Xhomaqi / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.