Mali i Zi prezanton masat e reja në kufi. Përveç testit negativ të COVID duhet zbatuar edhe një fashë orare
Policia e Shtetit nëpërmjet një lajëmrimi në rrjete sociale bën me dije të gjithë qytetarët e Republikës së Shqipërisë se në piakt doganore të Hani Hotit dhe Muriqan, për të kaluar në Malin e Zi, përveç një testi negativ të COVID-91, tashmë duhet zbatuar edhe fasha e re orare 5:00 – 19:00.
Ky vendim vjen nga qeveria e shtetit fqinj dhe përjashtim nga rregulli bëjnë mjetet e tonazhit të rëndë që kalojnë në kufi (kamionët), mjetet që udhëtojnë drejt aeroportit, shërbimet e urgjencës dhe mjetet ose shtetasit që kalojnë tranzit në territorin e Malit të Zi.
Njoftimi i plotë
Stacionet e Policisë Kufitare Hani i Hotit dhe Muriqan:
Autoritetet policore malazeze, nëpërmjet një njoftimi zyrtar kanë informuar se me vendim të Komisionit Shtetëror të Menaxhimit të Situatës për COVID-19, duke nisur nga sot, datë 25.11.2020 dhe çdo ditë, deri në një urdhër të dytë, nga ora 19:00 deri në orën 05:00 të mëngjesit të çdo dite do të ketë ndalim të plotë të qarkullimit në të gjithë territorin e Malit të Zi.
Përjashtim nga ky rregull bëjnë mjetet e tonazhit të rëndë që kalojnë në kufi (kamionët), mjetet që udhëtojnë drejt aeroportit, shërbimet e urgjencës dhe mjetet ose shtetasit që kalojnë tranzit në territorin e Malit të Zi.
Sqarojmë se shtetasit shqiptarë mund të kalojnë nëse janë të pajisur me testin serologjik, brenda orarit të përcaktuar 05:00-19:00.
Duke ju falënderuar për mirëkuptimin.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.