Mali i Zi, Shqipëria dhe Kosova krijojnë një qendër të përbashkët për bashkëpunim policor
Mali i Zi, Shqipëria dhe Kosova kanë krijuar një qendër të përbashkët për bashkëpunim policor që do të, siç thuhet, përmirësojë shkëmbimin e informacionit dhe rrisë sigurinë e kufirit të përbashkët në drejtim të arritjes së standardeve të Shengenit.
Protokolli për themelimin e Qendrës u nënshkrua në Plavë nga Ministrat e Brendshëm të Malit të Zi dhe Shqipërisë, Mevludin Nuhodžić dhe Dritan Demiraj, si dhe nga zëvendësministri i Punëve të Brendshme të Kosovës, Valdet Hoxha.
Siç njoftoi Qeveria malazeze, dokumenti do të kontribuojë në përmirësimin e bashkëpunimit ndërkufitar në luftën kundër krimit, përmes shkëmbimit më intensiv të informacioneve operative dhe koordinimin më efikas të aktiviteteve të përbashkëta përgjatë kufirit shtetëror, shkruajnë mediat malazeze, transmeton zeri.info.
Nuhodžić tha se qendra trepalëshe simbolizon angazhimin në luftën kundër krimit të organizuar transnacional dhe një kontribut të përbashkët për forcimin e sigurisë në rajon.
Valdet Hoxha tha se nënshkrimi i Protokollit trepalësh tregon një angazhim të tre vendeve për bashkëpunim të ndërsjellë dhe forcimin e mekanizmave ndërqeveritare në kontekstin rajonal të luftës së përbashkët kundër krimit të organizuar ndërkufitar, migracionit të paligjshëm dhe terrorizmit.
Ambasadori i Gjermanisë në Mal të Zi Hans Ginter Matern në emër të Qeverisë së Gjermanisë përgëzoi qeveritë e Malit të Zi, Shqipërisë dhe Kosovës për rezultatet e arritura dhe premtuese në drejtim të bashkëpunimit rajonal. Qeveria Federale e Gjermanisë, siç theksoi me këtë rast ambasadori Matern dhe në të ardhmen do të mbështesë bashkëpunimin trepalësh të policisë kufitare.
Ambasadorja e SHBA-së në Mal të Zi, Margaret en Uehara, falënderoi palët në emër të qeverisë amerikane për kontributin e dhënë dhe bashkëpunimin në objektivat e përbashkëta, për realizimin e sistemeve të sigurta dhe efektive të kontrollit të kufirit, si dhe inkurajimit për shkëmbimin ndërkufitar të informacionit.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.