Manastirliu konfirmon: Do të nisi të hënën vaksinimi masiv edhe për grupmoshën mbi 60 vjeç

Ministrja e Shëndetësisë, Ogerta Manastirliu ka bërë me dije se, “më shumë se 176,000 gjyshe dhe gjyshër janë sot më të mbrojtur nga Covid 19, falë fushatës së vaksinimit masiv, që do ta vazhdojmë me ritme të larta, për të mbrojtur shëndetin dhe jetën e çdo qytetari”.

Sipas postimit të saj në Facebook, Manastirliu njofton se deri më tani janë kryer 250,676 vaksinime dhe brenda muajit maj do të kryhen 500,000 vaksinime.

“Dje kanë mbërritur 100 mijë vaksina të Sinovac, të cilat pas gjithë procedurave verifikuese, do të shpërndahen në territor, në qendra shëndetësore dhe qendrat e vaksinimit të përqendruar, për të vijuar vaksinimin masiv, duke përfshirë tashmë edhe grupmoshën mbi 60 vjeç me sëmundje kronike”, tha Manastirliu.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.