Manastirliu konfirmon: Edhe muaji tetor do jetë i hapur për vaksinimin e popullsisë mbi 18 vjeç
Ministrja e Shëndetësisë dhe Mbrojtjes Sociale, Ogerta Manastirliu prezantoi sot planin 2021-2023 të përgjigjes ndaj pandemisë dhe impaktit post Covid-19. Ajo bëri me dije se edhe muaji tetor do të jetë një muaj i hapur për vaksinimin e popullsisë mbi 18 vjeç.
“Brenda pranverës së vitit të ardhshëm duhet të kemi vaksinuar të gjithë popullatën target dhe më pas të vazhdojmë sipas skenarëve të mundshëm me dozën e tretë apo edhe me vaksinimin e grup moshave më të reja sikurse po ndodh edhe në shtete të ndryshme të botës.
“Edhe muaji tetor do jetë i hapur për vaksinimin, siç ishte shtatori ku u pa një rritje e mbulesës vaksinale dhe e shpërndarjes së dozave të vaksinave. Pra ne do të vijojmë të kemi edhe tetorin të hapur për vaksinim”.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.