Manastirliu përcjell 60 infermierë drejt Italisë në misionin e dytë humanitar. 30 të parët do të rikthehen
Ministrja e Shëndetësisë dhe Mbrojtjes Sociale, Ogerta Manastirliu ka shoqruar në aeroportin e Rinasit edhe 60 infermierë të tjerë, të ciëlt do të nsien drejt Italisë, për të nidhmaur në luftën ndaj COVID-19.
Ky është misioni i dytë humanitar i Shqipërisë, ndërsa grupi i parë me 30 mjekë do të rikthehet në atdhe.
“Ju falënderoj për atë që po bëni për misionin tonë të dytë humanitar në kuadër të solidaritetit që tashmë është pjesë, prioritet kyç kundër COVID-it, që na mban dhe bashkon. Ju falënderoj dhe jam e bindur se sikur na bëri krenarë grupi parë që nisëm në Itali në misionin e parë për të ndihmuar Italinë, ashtu edhe ju do të na bëni krenarë. Ju falënderoj në emër të kryeministrit.
Nëse mendoni se ajo që bëjmë është vetëm një pikë uji në oqean, por pa këtë pikë uji oqeani do të ishte më i vogël. Faleminderit. 60 infermierë do të luftoni me kolegët italianë në frontin e luftës kundër COVID. 30 të tjerët do të rikthehen, ju do të vijoni. Është momenti për të treguar shpresë dhe solidaritet për popullin mik italian që na ka mbështetur gjatë këtyre viteve dhe është më e pakta që mund të bëjmë. E treguan edhe më së fundmi me tërmeti“.
Për këtë nismë ka reaguar edhe ministri i jashtëm Italian Luigi Di Maio, i cili ka falenderuar edhe njëherë vendin tonë për ndihmën konkrete:
“Sot mbërrijnë në Itali një grup me 60 infermierë nga Shqipëria për të dhënë mbështetje spitaleve tona. Një ndihmë konkrete, një dhuratë tjetër, që vjen nga miqtë tanë shqiptarë. Faleminderit Edi Rama për solidaritetin dhe ndihmën ndaj Italisë. Shihemi në 16:30. Nuk jemi vetëm”, shkruan Di Maio
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.