Manastirliu: Shërohen edhe 10 pacientë nga Koronavirusi. Shkon në 99 numri i personave që e mundën COVID-19 në vend
Nëpërmjet një njoftimi në faqen e Facebook , Ministrja e Shëndetësisë, Ogerta Manastirliu është shprehur se janë shëruar edhe 10 pacientë të tjerë të prekur me COVID-19 në Spitalin Infektiv të QSUT.
“Lajm i mirë, 10 të shëruar sot, pjesa më e madhe e tyre, pacientë që po trajtohen në spitalin infektiv QSUT. Faleminderit për punën e palodhur të gjithë mjekëve dhe infermierëve,” ka shkruar Manastirliu.
Gjatë ditës së sotme, janë shëruar edhe 2 infermierë të prekur nga COVID-19. Infermierët kanë rezultuar negativ pas testit konfirmues të kryer, duke çuar në 15 numrin e personelit mjekësor të shëruar në Shqipëri.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.