Manastirliu thirrje publike mjekëve dhe studentëve të mjekësisë: Bashkohuni me ne për të shërbyer

Ministrja e Shëndetësisë dhe Mbrojtjes Sociale, Ogerta Manastirliu i ka bërë thirrje të gjithë qytetarëve dhe profesionistëve të shkencave mjekësore të bashkohen për të ndihmuar shqiptarët në këtë situatë të jashtëzakonshme.

“I bëj thirrje të gjithë atyre që duan të bashkohen për të ndihmuar të aplikojnë në portalin ‘Mjekë për Shqipërinë’ dhe ‘Infermierë për Shqipërinë’ për t’ju bashkuar ekipeve tona të shëndetësisë përgjatë kësaj kohe të vështirë për të gjithë ne” tha Manastirliu gjatë fjalës së saj.

Manastirliu falënderoi të gjithë stafin mjekësor dhe theksoi gjithashtu se kjo situatë, është një situatë e veçantë ndaj secili prej nesh mund të japë kontributin e tij.

“Sot është dita për t’u bashkuar sëbashku” e mbylli ministrja Manastirliu fjalën e saj apeluese.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.