Manifaktura në zonën euro/ Vazhdon rënien në Nëntor. -Por më e keqja duket se ka kaluar!
Aktiviteti i manifakturës në Eurozonë është tkurrur për të 10-in muaj radhazi në Nëntor, por fabrikat mund të kenë arritur në një pikë të kthesës, ndërkohë që treguesit për të ardhmen kanë rezultuar optimist.
Indeksi PMI, që formulohet nëpërmjet mijëra sondazhesh drejt sektorit privat dhe që shihet si pararendës i rritjes ekonomike, ka qëndruar poshtë nivelit të 50 pikëve që ndan rritjen nga tkurrja, që prej muajit Shkurt.
Megjithatë, për muajin Nëntor, indeksi shënoi 46.9 pikë, sipër nivelit prej 45.9 pikë të muajit Nëntor. Ekonomistët thonë se pavarësisht rënies së vazhdueshme, manifaktura po tregon disa sinjale inkurajuese, që shtojnë spekulimet se më e keqja ka kaluar për prodhuesit e Eurozonës.
Porositë e reja, punësimi dhe blerja e lëndëve të para, patën rënie më të ulët se muajt e kaluar, ndërsa indeksi që mat optimizmin, pati rritjen më të madhe mujore në 6 vite. Gjermania mezi shmangu recesionin në tremujorin e tretë.
Megjithatë, ekonomia më e madhe e Europës, pritet të tregojë një rritje me 0.2% në fundvit. Sektori i manifakturës në Gjermani u tkurr me një normë më të ngadaltë në muajin Nëntor.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.