Manovra me makina në borë – Policia dërgon në Komision 5 drejtues mjetesh
Policia e Shtetit informon se në lidhje me disa video të publikuara në rrjetet sociale, ku shfaqen disa të rinj duke bërë drift me makinat e tyre në qytetin e Kukësit, Policia Rrugore në Drejtorinë Vendore të Policisë së qytetit, ka bërë të mundur identifikimin dhe bllokimin e këtyre mjeteve, si dhe ka dërguar në OASH, 3 drejtuesit e mjeteve, ku masa administrative maksimale është 40 mijë lekë të reja.
Sipas njoftimit nga shërbimet e Komisariatit të Policisë Has, janë evidentuar edhe 2 drejtues mjetesh që bënin drift, të cilët janë dërguar gjithashtu në OASH.
Policia e Kukësit apelon për bashkëpunimin e qytetarëve dhe mediave që të denoncojnë çdo rast të paligjshmërisë në Komisariatin Dixhital apo në numrin pa pagesë 112, duke iu siguruar anonimatin dhe reagim të paanshëm kundrejt shkelësve të ligjit.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.