Manovra për përdorimin e parasë ‘cash’: Kthehet plani për uljen e tavanit nga 3 mijë në 1 mijë euro
Ndër masat fiskale që do të shoqërojnë manovrën e vitit 2020, midis hipotezave të ndërhyrjes për të kufizuar përdorimin e parave cash, është rikthyer edhe ideja për të ulur tavanin e përdorimit të tyre nga 3000 në 1000 euro. Një zgjidhje që mund të shoqërojë masa të tjera për të inkurajuar paratë elektronike.
Çështja mund të diskutohet në manovrën e thirrur në mëngjesin e sotëm të 15 tetorit në Palazzo Chigi, çka do të ishte dhe një nga shtyllat që do të serviren në prag të CDM në mbrëmjen e sotme. Aktualisht, skenari është ai i një Këshilli të Ministrave i cili nuk mund të bëjë gjë tjetër veç të jap dritën jeshile për dokumentin e planifikimit të buxhetit, i cili duhet të dërgohet në Bruksel deri sonte në mesnatë, ndërsa Dekreti Fiskal dhe Projekt-Buxheti do të shqyrtohen në një Këshill pasues të Ministrave, mbase më 21 tetor. Dokumenti i planifikimit buxhetor është shtylla kurrizore e manovrës: pikërisht mbi këtë dokument Komisioni i BE-së do të japë mendimin e tij përfundimtar në fund të nëntorit.
Ndërkohë, sipas ISTAT theksohet se në vitin 2017 ekonomia e ‘pa-dukshme’ vlen rreth 211 miliardë euro, 12.1% e PBB-së. Organi statistikor saktëson që ekonomia nëntokësore arrin në pak më pak se 192 miliardë euro dhe aktivitetet të paligjshme në rreth 19 miliardë. Vlerësimet për vitin 2017 konfirmojnë tendencën për të zvogëluar incidencën në PBB-në e komponentit të pa rezervuar të ekonomisë pas pikut në 2014 (13.0%). (Ilsole24ore)
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.