Maqedoni, bie shitja e banesave gjatë 3 muajve të parë të vitit 2017

Bie shitja e banesave gjatë 3 mujorit të parë të vitit 2017 në Maqedoni. Kështu, Agjencia për Kadastrat në të gjithë Maqedoninë raporton se janë shitur rreth njëqind banesa, nga të cilat gjysma janë ndërtime të reja.

Në qoftë se në tremujorin e fundit të vitit të kaluar janë blerë 362 banesa të reja, në janar, shkurt dhe mars të këtij vitit kjo shifër tregonte për shitjen e 51 banesave. Konkretisht në Çair, në Tetovë nuk është shitur asnjë banesë, në Kërçovë tre, shtatë në Gostivar dhe nëntë në Kumanovë. Sipas Agjencisë për Kadastrat në krye të listës janë komunat e Shkupit, Aerodrom dhe Karposh me një total prej 30 banesave të blera.

“Në ofertë tashmë ka një numër të madh të banesave. Nëse i krahasojmë ato që janë ndërtuar tashmë janë mbi 3000 dhe ato që ndërtohen mbi 8,700, kështu që kemi 12.000 banesa që ofrohen aktualisht. Nga ana tjetër, kërkesa me atë çmim që ofrohet, thjesht nuk do të nxisë shitjen.”, tha Sllavçe Trpeski, drejtor i Agjencisë së Kadastrës.

Trpeskit në një prononcim për mediat në Maqedoni tha se për uljen trajektores së shitjes së banesave ka ndikuar pasiguria politike.

Osman Dedja/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.