Maqedoni, votohet sot për zgjedhjet lokale – Numri total i kandidatëve dhe subjekteve që marrin pjesë në garë
Maqedoni- Qytetarët sot zgjedhin drejtuesit e pushtetit lokal. 19 parti apo koalicione dhe 61 kandidatë të pavarur do të garojnë gjithsej në 80 komuna dhe Qytetin e Shkupit. Gjithsej në garë janë rreth 260 kandidatë për kryetarë komunash.
Numri i përgjithshëm i votuesve të regjistruar në Listën zgjedhore është 1.814.644 votues.
Nga ku numër, 1.735.682 votues janë të regjistruar në Listën e rregullt zgjedhore, 77.071 janë votues me punë dhe qëndrim të përkohshëm jashtë vendit, raporton Alsat-M.
Nga KSHZ-ja thuhet se në dallim nga zgjedhjet e kaluara lokale të vitit 2013, ky numër llogaritet me 72 mijë votues më shumë.
“Ky numër normalisht që ka diferencë në krahasim me zgjedhjet lokale të vitit 2013. Ka rreth 72 mijë votues më shumë se para 4 viteve. Mendoj se ky numër prej 72 mijë për katër vite është relativisht në rregull. Ju e dini se në vitin 2013 ka qenë në regjistër qendror më i spastruar sepse hyri në fuqi ligji me të cilin gjithë ata votues që nuk posedonin letërnjoftime ose pasaporta biometrike, nuk kishin të drejtën të jenë në listë dhe atëherë mbetën rreth 80 mijë votues jashtë listës zgjedhore”- deklaroi Subhi Jakupi, anëtar i KSHZ-së.
Të shtunën votuan të burgosurit dhe të sëmurët. Nëpër entet ndëshkuese, të drejtën e tyre të votës e shprehën 1882 votues, ndërkohë numri i personave që mundën të votojnë në shtëpitë e tyre ishte 5025. Lista zgjedhore, ashtu si në zgjedhjet parlamentare, do të jetë e pajisur me fotografinë e votuesve. Rrethi i dytë i zgjedhjeve lokale, është përcaktuar për më 29 tetor.
VIZRT – Lista Zgjedhore
Votues: 1.814.644
Lista e rregullt zgjedhore: 1.735.682 votues
Votues me punë dhe qëndrim të përkohshëm jashtë vendit: 77.071
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.