Markat luksoze në Francë – Vendosen nën presion nga koronavirusi dhe rënia e turistëve kinezë
Rënia e turistëve kinezë dhe ngadalësimi në qendrat e prodhimit në Kinë kanë ndikuar industrinë e veshjeve në vende si Parisi. Analistja e veshjeve dhe shitjeve me pakicë e Deloitte, Benedicte Sabadie, tha se ajo që po ndodh tani me koronavirusin do të ketë ndikim brenda dhe jashtë Kinës.
Sipas saj, do të ndikojë të gjithë botën për shkak se kinezët nuk do të udhëtojnë, e për rrjedhojë, do të ketë rënie të madhe në blerjet e mallrave të luksit. Organizata Botërore e Shëndetësisë deklaroi më 30 Janar se koronavirusi përbën një emergjencë ndërkombëtare dhe e karakterizoi atë si një epidemi me shumë vendndodhje.
Kinezët përfaqësojnë 35% të konsumatorëve botërorë të mallrave të luksit. Ndodhitë e paparashikuara si emergjencat e shëndetit publik, mund të ushtrojnë presione të jashtëzakonshme te markat e luksit. Kina ka konfirmuar mbi 40,000 raste të infektimit dhe mbi 1,000 vdekje nga koronavirusi. Shitësit me pakicë shpresojnë se ndikimi i virusit do të largohet përpara sezonit të turizmit veror.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.